【明報專訊】政府以疫情為由押後立法會選舉一年，被指係「黑白之爭」嘅中文大學校友評議會（下稱評議會）選舉，都難逃押後命運，由8月22日延至明年1月9日。立法會「真空期」點處理由全國人大常委會決定，同樣面臨「真空期」嘅中大評議會就已率先自行「釋法」，評議會常務委員會決定，按《香港中文大學校友評議會章程》第25（l）條的要求，採取適當措施，原定8月31日任期屆滿嘅主席林偉雄，可以繼續做到選出新主席為止。