【明報專訊】公民黨劉珈汶（Carmen）舊年首次出戰區議會選舉，擊敗1999年就開始做橫頭磡區議員嘅黃大仙區議會前副主席、民建聯黎榮浩（Joe）。Joe近日因為黨友柯創盛唔選九龍東，「復活」接棒出戰立選，佢前晚喺facebook出post，講落區返番去從政起點橫頭磡邨跟進疫情情况，仲形容係「我的家」，打人情牌話自己2003年同街坊齊心戰勝SARS，反問「今日面對疫情，現任的從政者是否如我當年能為街坊東奔西走，凝聚着社區街坊的鬥志精神共同抗疫？」