【明報專訊】民建聯前日公布立法會選舉出戰名單，目標力保13席。佢哋已開始宣傳攻勢，民記facebook噚日上載一段齊集各出戰名單首位嘅成員，同埋喺超級區議會排名單第二嘅副秘書長顏汶羽嘅短片，佢哋喺片中收到爭取超區連任嘅黨主席李慧琼WhatsApp：「兄弟姊妹，我哋𠵱家去反攬炒、救香港，你哋到未呀？」然後鏡頭就轉去各人拎起電話，睇到黨主席嘅柯打，即刻趕去添馬公園，用堅定嘅眼神向前邁步，片尾打出「反攬炒 救香港」嘅選舉主題。