【明報專訊】立法會內會噚日開本屆最後一次例會，民主派議員繼續杯葛，喺座位放「白紙牌」抗議。內會主席、民建聯李慧琼會議一開始就話紙牌同會議議題無關，叫保安移除。呢個時候工聯會陸頌雄話喺空白紙牌上睇到意思，提出問題，質疑李慧琼「點解你覺得同今日主題無關？可能佢哋全力支持國安法呢？」民建聯嘅陳恒鑌加把口話：「一張白紙講緊香港重新出發，佢哋（民主派）會悔過。」