【明報專訊】噚日係父親節，西貢區議會主席鍾錦麟（Ben）凌晨宣布太太誕下BB女，母女平安，囡囡一出世就可以慶祝父親節。Ben同Emily講，有人話𠵱家做爸爸好勇敢，但佢就覺得囡囡喺今日嘅香港出世，更加勇敢。佢話太太今次係第一胎，囡囡都好合作，幾個鐘就出咗世，重2.99公斤；佢話當時自己冇喊，但太太就忍唔住喊咗。