【明報專訊】律師會本月底改選5個理事議席，選舉仲搞到出律師信。被視為「開明派」團隊候選人陳嘉豪收到現任律師會理事江玉歡嘅律師信，話陳早前喺一個記招上提及江有新民黨背景，仲暗指江因政黨背景，喺理事會工作上有欠公允，令江名譽受損，要求陳公開道歉。陳透過律師回信，話當時清楚表明唔知江係現任定前任新民黨員，江嘅理解令人費解。