【明報專訊】民主派立法會選舉嘅協調工作如火如荼，前晚就舉行「超級區議會」界別嘅協調會議，據了解，會上至少有7個政團或有興趣人士出席會議。會議似乎幾順利，大家初步都認同要搞初選，暫傾向喺初選時，每名市民可以有4票，選出4隊泛民人馬。超區界別有5席，過去兩屆選舉都係民主派取3席、建制派取兩席。