【明報文章】點指兵兵點着誰人做大兵，點指賊賊點着誰人做大賊，這是小時候群體活動熱門遊戲，各人手疊手向下數手指公，數到兵誰就做兵，數到賊就做賊，然後分成兩隊玩兵捉賊。兒時遊戲幾乎湮沒於記憶中，近日城中一宗涉嫌自編自導自演的警署外企圖掟汽油彈案勾起回憶。今次大兵點人做賊令人吃驚，然而類似做戲破案領功或交數的例子幾十年前司空見慣。昔日每個環頭都要交數，最簡單就係插贓嫁禍砌生豬肉，塞包白粉入你袋就算破咗一單藏毒case，但這些「細眉細眼」的case即使做一百單都冇職升，有心人就會配合搞些大案出來，破案之餘又可帶挈警隊內兄弟升職。