【明報專訊】疫情關係，部分連鎖餐廳唔做晚市堂食，包括原本有部分分店係24小時營業嘅麥當勞，令晚上喺麥當勞休息嘅無家者頓時無處容身。社福界立法會議員邵家臻、議會陣線朱凱廸等去信民政事務局長劉江華要求見面，討論開放臨時庇護中心畀受影響者入住。阿廸噚日喺facebook上載民政事務總署署長嘅回覆，話局長好關注事件，但公務繁忙，未能與議員見面，又拒絕開放臨時庇護中心。