【明報專訊】疫情肆虐，大部分人一個口罩要戴足一日，食飯要除落嚟，之後戴番，咁有個口罩套放口罩就方便啲。民建聯副秘書長顏汶羽就製作咗4000個膠口罩套，成本只係約1蚊。佢整嘅呢款口罩套係一塊可摺成口袋大小嘅大膠片，仲有埋凹位畀人勾住口罩帶，都幾方便，不過佢仲未派街坊，因為驚人多聚集有風險，話政府推出「限聚令」之後都有影響佢嘅部分工作，派嘢會改為入落信箱同上樓派。