【明報專訊】選民更改資料4月2日截止，新登記就5月2日截止，立法會前議員區諾軒（區軒）噚日聯同各界別中人，講解各行業面對疫情困境，同呼籲登記做功能組別選民。區軒話每日都收到5、6個有關功能組別選民登記嘅查詢，亦見好多人研究點登記，感受到有「民氣」。佢又呼籲大家「唔好到deadline先交功課（遞交申請）」，就算限期前欠少少資料，都可以申請先，愈早申請就愈快知自己缺乜文件要補交。