【明報專訊】警隊近來「愈戰愈勇」，除咗去信港台話《頭條新聞》內容抹黑，近日又去信中西區區議會主席、民主黨鄭麗琼，話區議員葉錦龍喺會議針對警方，向警方發出毫無根據指控；又話另一區議員、民主黨甘乃威多次口出惡言，用「黑警」侮辱警方代表。警方要求琼姐譴責有關議員，琼姐喺facebook公開信件，並諮詢大家應該點處理。Emily噚日搵過琼姐，但佢要主持區議會會議，截稿前未覆。