【明報專訊】立法會議員不時都會收到不知名人物寄陰司紙等去辦事處，以示不滿，最近有人寄陰司紙同溪錢畀人民力量立法會議員陳志全（慢必），當中仲夾咗幾張性感女郎照。幫手收信、拆信嘅慢必助理蘇浩噚日喺facebook話，慢必嘅將軍澳地辦收到一封信，當中有冥鈔、剪報同性感泳衣女郎照，佢忍唔住問，「寄埋女相係咩玩法呢？拗正陳志全？」