【明報專訊】中科工程董事潘焯鴻近日因為投資土耳其口罩工廠，仲打算將部分口罩派畀有需要嘅港人，頻頻曝光。近日政界亦流傳佢有意參加9月立法會選舉，佢日前接受Emily查詢時，承認「積極考慮」出戰九龍西，話對政府好不滿，亦認為立法會應該有一個有獨特見解嘅議員。佢形容自己同政府、港鐵可以鬥咗咁耐，「戰鬥力強」，又自言「思維好黃」，自己係民主派。