【明報專訊】財政司長陳茂波（左）噚日出席立法會財委會會議，回應議員提問，其間都係同前日宣讀《財政預算案》時一樣，未有戴口罩。佢噚日回應議員提問兩小時，仲願意留多15分鐘答多幾條問題，相當合作。陳茂波本來希望伸手同財委會主席陳健波（右）握手，但未知係咪因為擔心疫情關係，陳健波都係合十回應，兩個「波哥」最終未有握手。