【明報專訊】疫情持續，建制派同民主派繼續撲口罩同派口罩。建制派成立嘅「全港社區抗疫連線」話已經喺全球各地蒐羅到超過100萬個口罩，會陸續到港，向全港18區弱勢社群同65歲以上長者派發。連線總召集人、港區人大代表陳振彬致辭時，就誤將俄羅斯講成「蘇聯」，話連線團隊嘅口罩嚟自「蘇聯」。香港眾志秘書長黃之鋒就笑問，連線係咪派古董，因為一般口罩存放期限係3至5年，「抑或佢坐時光機幫居民買口罩？」