【明報專訊】口罩供應緊張，工聯會加入搞本地口罩生產線。工聯會立法會議員何啟明噚日就試戴呢款香港製造嘅口罩開財委會，會上畀工聯會麥美娟大爆個口罩係工聯會榮譽會長、進出口界議員黃定光（象哥）老婆林淑儀幫手車㗎。何啟明唔擔心象哥呷醋，但象哥喺走廊撞到何啟明嗰陣流露出醋意，話自己都無份，戴住嘅口罩都係買番嚟，淑儀姐平時都係戴佢買嘅口罩，講笑話要返屋企詐型。