【明報專訊】特首林鄭月娥提出250億元款項抗疫，立法會財委會周五開會專門審理呢個項目，財委會主席陳健波噚日就想用民意向泛民議員施壓。波哥喺facebook出帖叫網民投票，問如果疫情穩定後，大家支唔支持佢加開財委會，審議其他撥款項目，畀like就當支持、按慘情符號就唔贊成。佢同Emily講，出帖兩個鐘佢段片已經有8000幾個瀏覽，仲話99%都係支持開會，留言畀佢嘅都係一面倒喎。