【明報專訊】武漢肺炎疫情持續，近期各界人士出嚟開記者會都會戴口罩，不過就唔係個個都可以喺鏡頭前做個好示範畀市民。醫院管理局總感染控制主任賴偉文就做得唔錯，佢噚日講及公立醫院裝備問題，例如口罩使用，不過佢一路講、個口罩就一路跌，跌到遮唔到個鼻。賴醫生隨即暫停問答，問工作人員拎酒精搓手液，扶番正口罩，然後用酒精搓手液清潔雙手先繼續答記者。