【明報專訊】民主派喺區選大勝後，希望可以喺9月立法會選舉乘勝追擊，並搶攻部分傳統功能組別議席。香港中小企食店聯盟召集人兼香港美食車聯盟主席林瑞華（Gordon）最近發起飲食界選民登記運動，希望可以「光復飲食界」，佢今日仲會召開記者會，宣布加入公民黨。Gordon同Emily講，會考慮參加立法會飲食界選舉，但當下最重要係做好選民登記，如果選民登記唔理想，就咩都唔使諗。