【明報專訊】全國政協常委唐英年都寫揮春應節，寄語香港「鼠兆豐年」（圖）。唐唐話，2019年係不平凡嘅一年，香港經歷咗過去半年嘅「動亂」、不平安嘅平安夜，大家都希望有個平靜嘅農曆新年假期。政府近日提出百億元嘅民生政策，財爺陳茂波一早預告今年財政有赤字，做過財爺嘅唐唐就自誇，話2003年接任財爺時，成功滅赤，話其實只要與民協議，互有默契，「赤字」唔係洪水猛獸，反而若香港內部繼續爭拗，日日「赤口」，後果就真係無法估計，所以佢唔怕「赤字」，只怕「赤口」。