【明報專訊】台灣大選今日舉行，今屆選舉備受關注，香港好多政界人士同新任區議員去觀選。除咗參觀當地各黨競選總部、拜訪當地政界人士，佢哋都有向當地市政取吓經，睇吓有咩做法可以喺香港應用。屯門社區網絡潘智鍵（Gary）就提到，高雄市政府設有「民間抄牌師」，委託民間公司聘請員工對違泊車輛抄牌，佢哋甚至有權叫拖車拖走違泊車輛。