【明報專訊】新一屆區議會噚日開始，18區區議會嘅網站亦已更新。民主派奪得85%議席，大家都雄心壯志想改革區議會。Emily就見到一個幾正面嘅開始，就係好多泛民區議員都公開手提電話號碼，有別於上一屆區議員都只提供辦事處電話號碼，令到傳媒好難搵到佢哋。不過，新一屆議員搵辦事處應該唔太容易，好多新任區議員都未有辦事處，所以聯絡冊上地址一欄暫時留空。