【明報專訊】東區區議員趙家賢（圖）上年11月初因阻止一個男人襲擊政見不合嘅市民，被對方咬甩左耳。佢噚日用紗布包住耳仔咁參與民陣元旦遊行，佢話如果去到太嘈嘅地方或者聽嘢聽得多，會頭痛、頂唔順，不過噚日狀態還好；雖然傷口已埋口，但因為神經線損傷，風吹到都會痛，所以要繼續包住耳仔。遊行途中唔少市民搵趙家賢合照，同佢打氣。