【明報專訊】一年一任嘅大律師公會主席，當選者一般會做兩年。不過，現任主席戴啟思繼前年將競逐連任嘅時任主席林定國拉落馬後，再度破例，第二度競逐連任。佢向Emily表示，呢個決定同近期社會動盪有關，舉例佢過去花唔少時間同外國嘅大律師公會溝通、講解香港情况，形容維持國際連結重要，所以雖然困難，佢都希望繼續帶領執委會。佢又話，雖然公會主席一般在任兩年，但其實係容許做足3年。