【明報專訊】聖誕假期唔少人外遊，民建聯副秘書長顏汶羽帶咗30個香港年輕人去俄羅斯莫斯科同聖彼得堡參觀、考察同埋交流。青民之前組織過兩次俄羅斯交流考察團，顏汶羽話今次係佢第一次去俄羅斯，佢哋仲去咗參觀俄羅斯傳統手工藝「套娃」製作工廠，落手參與最後上色環節。睇顏汶羽喺facebook貼出嘅相，見到佢好專注咁為公仔上色。