【明報專訊】立法會財委會主席陳健波上星期拍片批評「黃色經濟圈」對香港係災難，截至噚日得到500幾個讚好，亦有千幾個嬲嬲。波哥前日平安夜再出片，話佢之前段片畀人放咗上連登討論區，短短一日已有幾千個巴絲打留言，佢將留言歸納為4類，其中有人叫波哥「你搞番個藍色經濟圈咪得囉」，波哥反駁：「點解有咁過癮嘅建議？又係你做初一、我做十五，整兩個敵對嘅經濟圈？咁咪令香港人變成政治奴隸？」