【明報專訊】1月1日上任嘅新一屆區議會18個區議會，除離島區外，17個都由泛民主導。一班民主派已摩拳擦掌盼利用區議會平台有一番作為，身兼元朗區議員嘅民主黨立法會議員鄺俊宇噚日帶埋3個黨友，包括候任元朗區議員伍軒宏、林廷衞，以及候任屯門區議員黎駿穎同傳媒傾吓大計。黎駿穎透露，屯門區議會有28個泛民議員，佢哋未來會關注屯門公園「大媽」賣藝問題，仲已經傾好編更表，喺周一至周日下晝兩點至6點，去公園「會見市民」，逼康文署加強執法。