【明報專訊】終審法院拒絕就選舉呈情批出上訴許可，區諾軒（區軒）同新民主同盟范國威（Gary）即時無咗立法會議席，不過，民主派早前喺區議會選舉中大勝，二人支持嘅社區主任絕大部分都當選區議員，因此即使失去立法會議席，都對地區工作同資源唔會有好大影響。但區軒請咗幾個香港眾志成員做議員助理，包括秘書長黃之鋒、周庭同鄭家朗等，黃之鋒同Emily講，𠵱家無咗份工，惟最擔心都係區軒要畀堂費嘅問題。