【明報專訊】反修例風暴下，唔少大型演唱會都取消，但本周六晚上，喺尖沙嘴文化中心會有一場大型演奏及演唱會舉行，參演者包括立法會前主席曾鈺成、經民聯主席盧偉國，以及Liza姐汪明荃等。盧偉國話，呢場係香港中樂團嘅籌款演出，中樂團歷史悠久，好值得支持，希望屆時社會平靜，等演出可以順利舉行。佢話近幾星期社會氣氛相對好少少，多咗人出街，話咁快聖誕新年，大家都想開心少少。