【明報專訊】香港眾志周庭同劉頴匡就去年3月立法會補選提出嘅選舉呈請案先後獲判勝訴，分別令循補選晉身立法會嘅區諾軒（區軒，圖左）及范國威（Gary，圖右）被裁定非「妥為當選」，二人提出上訴，今日終審法院將定奪兩人議席能否保住。Gary同區軒噚日同傳媒茶敘，Gary話對於判決抱審慎態度，結果難料；補選中作為周庭「Plan B」嘅區軒話，司法公義要追尋，「DQ」唔公義，反問點解一個政府嘅失誤，導致勝訴者、勝選者同選民都利益受損。