【明報專訊】律政司長鄭若驊上月喺英國受傷，及後獲中國駐英大使館安排去北京，本月初返港，佢見傳媒時再三多謝中央對佢關心，但佢去咗北京就引來揣測。佢周三喺立法會見記者時無多談傷勢，選擇同部分傳媒做訪問，講番喺北京養傷期間獲悉心照料，中方人員怕佢得自己一個，會陪佢做檢查、陪佢傾偈，又會拎水果同包餃子去醫院畀佢食。佢話獲得中央領導關心同問候，令佢知道國家係強大後盾；又強調自己並無請辭。