【明報專訊】新民黨容海恩喺立法會大會提出譴責議案，動議譴責7月1日衝擊立法會時，熱血公民鄭松泰（泰博）開facebook live向示威者介紹立法會設施協助，噚日辯論時，鄭松泰開facebook live，一邊點評喺會議發言嘅建制派。佢話，𠵱家懷有第二胎嘅容海恩，「兩年抱兩，作為基督徒，未婚懷孕」，質疑係咪要譴責容海恩係「偽基督」。容海恩同Emily澄清自己唔係基督徒，叫鄭松泰「fact check咗先啦」，又話「試吓譴責我呀！我會即刻再次譴責佢攻擊女性懷孕嘅權利」。