【明報專訊】民建聯喺區選大敗，只得21席，勝選者包括保住土瓜灣北選區議席嘅民建聯主席李慧琼（右），噚日佢去到票倉之一嘅土瓜灣益豐大廈附近謝票。Emily喺現場見有啲老人家走埋去握手，有市民向佢舉起拇指；但似乎亦有好多街坊唔多滿意自己區嘅選舉結果，有街坊行過時向李慧琼舉中指，又有人向佢講粗口，仲有街坊（左）嘲諷佢話：「得你一個贏，仲好意思出嚟？」然後轉身離開。Emily本來想問李慧琼有冇嘢想同選民講，結果佢話只係畀記者影相，無準備接受訪問。