【明報專訊】今屆區議會選舉投票率同投票人數創歷屆新高，噚日有唔少藝人都落區為候選人拉票。其中王喜噚日朝早到所屬嘅何文田自由道選區投完票後就換上西裝，先後去沙田第一城、美孚、牛頭角、西營盤、荃灣麗城等港九新界多個選區，為一批政治素人拉票，唔少街坊同候選人見到王喜嚟拉票都好興奮。