【明報專訊】1月2日港島多處爆發衝突，內地《人民日報》旗下人民網（香港）嘅facebook，噚晚上載一張圖片，話「未來一哥」、副警務處長鄧炳強當日喺港島，親自「落場平暴」，但帖文配圖就話鄧炳強係「全力以赴 止暴製亂」，而唔係「止暴『制』亂」。有網民留言話人民網食咗「誠實豆沙包」，又話好認同「警察全力以赴製亂」呢個講法；有網民指出可能係簡體字轉成繁體字時出錯，因為「製」同「制」嘅簡體字都一樣係寫成「制」，仲話事件突顯咗學習繁體字嘅重要。