【明報專訊】近期唔同政治立場嘅網民或團體，都分別發起「感謝」活動，去幫襯所謂「黃店」、 「藍店」。新民黨主席葉劉淑儀噚日亦「加持」西營盤老牌菜館「加記」，大讚餸菜鑊氣夠、分量足。葉太facebook帖文一出，即惹嚟唔少人關注，有人大讚支持，但唔少應該係黃絲網民留言，話葉太靠害，提供「罷食」食店名單畀佢哋；有人仲話葉太提供「裝修名單」畀人去破壞。