【明報專訊】區議會選舉候選人簡介會噚晚喺亞洲博覽館舉行，然而唔少參選人都批評交通安排擾民，因為噚日1點起，鐵路、巴士都唔停亞博館站，泊位亦會關閉，參選人只能搭大會提供嘅穿梭巴士入場。本身為傷健人士嘅工黨沙田區議員葉榮就喺facebook出post，質疑大會無安排無障礙交通，佢點樣搭車到達，「政府識宵禁，禁巴士禁黨鐵，但唔識安排車輛比（畀）輪椅候選人，仲話預約唔到復康巴士，好似今日先知好難預約到復康巴士咁」。