【明報專訊】反修例運動風波未息，立法會議員除咗「落場」，仲要日日回應事態，好易捱出病。工黨立法會議員張超雄噚日喺facebook上載咗一張病牀相，話自己已經病咗兩星期，已入院兩日，經醫生診斷係椎間盤突出要臥牀休息。超雄話自己最初只係感冒咳嗽，到後來咳得太勁，咳到腰痛腳痛，連落牀都有困難之下唯有叫白車。