【明報專訊】反修例風波未有遏止迹象，政府連月呼籲示威者停止暴力，噚日就召開跨部門記者會，做咗個小總結，交代近月公共設施被破壞情况。有記者問在座官員呼籲止暴，但有無正視過制度暴力，運房局長陳帆無正面回應，但就話佢都覺得個社會好陌生，人與人之間缺乏互信，佢承認政府有地方做得唔理想，話會根據經驗汲取教訓，希望大家畀香港一個機會，停止暴力，畀大家諗一諗，點樣行前一步。