【明報文章】區議會選舉正值提名期，立法會前議員馮檢基噚日報名參選尖沙嘴西，同獨立民主派陳嘉朗（Leslie）撞區。基哥噚日就話，係有人搵佢幫手填「白區」先至出戰，強調願意商討、可以做民調。馮檢基上年參選立法會九龍西補選，當時泛民已力薦工黨李卓人參選，故馮被指𠝹票，被問到經常遇上呢類事情，會唔會自覺不幸，基哥語出驚人：「可能馮檢基係蜜糖啦，好多嘢『嬲』埋嚟。」