【明報專訊】網站「香港解密」上載大量記者、政治人物、示威者嘅個人資料，近日亦進一步公開「接載示威者」或者「運送物資」嘅車輛資料，其中兩架車被指係「運輸車」，網站話係「萬泰製衣（國際）有限公司」、即係自由黨榮譽主席田北俊公司名下。微博用戶「薩科齊」就批評田大少口講唔支持「暴徒」，身體卻很誠實，提供車輛接載「暴徒」，話佢係「二五田名副其實」。