【明報專訊】政府噚日開記者會宣布引用《緊急法》訂立《禁止蒙面規例》，基本上係全體司局長都有出席撐場，特首林鄭月娥、三司同5個局長坐喺台上，而坐喺台下嘅發展局長黃偉綸就一度「閉目養神」，Emily見到佢釣咗陣魚，唔知佢係咪畀睡魔急call呢。政務司長張建宗喺台上無咩角色，林太提到噚日政府總部嘅應變安排時，主動拋個波畀張建宗叫佢「講兩句」，張建宗真係講咗兩句，話呢啲安排係基於整體操作、運作同考慮嚟作出適當嘅回應。