【明報文章】陳百強，放下愁緒，今宵請你多珍重。甜到漏的歌聲，逝去的香港。LMF加上My Little Airport再唱，歌詞、氣質，與陳百強完全不同，一開始，就rap呢句，「今宵多珍重，聽日又另外一個樣」，都有傷逝與愁腸，但又好硬頸，「唔一定要話耷低頭做人隻狗，可以抬起頭自己行每一步路，唔使畀人睇死係一個無用嘅細路……」MLA的文青味，加埋LMF嘅「佬味」，chemistry好神，sad sad哋，又好硬凈，路難行，走下去。「我從來都相信自己，相信自己先至對得住人哋……」未聽過的讀者，真係要上YouTube聽一聽，好應景，放在當下，每個周末都開打，血汗催淚，白煙處處，聽這首rap版《今宵多珍重》，另有滋味在心頭。