【明報專訊】公園有各種設施畀市民享用，但如果配套唔足，有時得物都無所用。好似牛頭角下邨公園內嘅羽毛球場，燈光唔足，居民夜晚打波極考眼力，有時變成居民跳舞嘅地方。服務該區嘅社區主任李詠珊除咗去信房署同康文署跟進，希望夜晚將燈光調校至適合運動，前晚就搵嚟工具為球場「亮燈」，等居民可以入夜打羽毛球喇。