【明報專訊】政府前晚舉行社區對話，民建聯立法會議員蔣麗芸（Ann姐）就話，政府舉行對話但唔回應市民訴求只會「適得其反」。Ann姐決定自己去聽青年心聲，佢噚日喺facebook宣布，會舉辦「青年心聲聆聽會」，話林鄭推動對話文化，佢認為值得響應，所以舉辦有關活動，以了解青年訴求，直接推動官員跟進，喺議員崗位上為化解社會問題盡最大努力。