【明報專訊】近年流行講「減塑」，大家除咗要少用膠樽，仲要記得回收！屯門環保園嘅「塑新生」塑膠回收設施噚日舉行動土禮，設施預計下年第三季落成，會係全港最大規模，每年可以處理同回收3.5萬公噸廢膠，例如PET（聚脂纖維塑膠）樽。Emily睇番環保署資料，港人每日棄置137公噸PET樽，以一年365日計，如果回收3.5萬公噸膠樽，就已經相當於港人255日嘅棄置量。