【明報專訊】全國政協副主席、前特首梁振英（CY）經常喺facebook評論時政，佢噚日朝早喺fb話，留意到「學生動員」（應為學生動源）噚日喺沙田區搞聯校人鏈，其fb宣傳提到「香港特區政府自回歸以來，仍未實行雙普選，嚴重違反中英聯合聲明」。CY批評有誤導，因聯合聲明無規定任何普選，佢要求政府包括教育局必須向被誤導嘅學生嚴正澄清，自己亦已傳真咗相關信件畀沙田各中學。事隔半日，政府出稿澄清，話《中英聯合聲明》並沒有條文訂下實行「雙普選」。