【明報專訊】民協深水埗區議員何啟明同楊彧被惡搞，兩人嘅選區都有橫額，印有兩人肖像，何啟明嗰張配上「點解要支持暴力？攬炒社區」字眼，楊彧嗰張就話佢「發起深水埗遊行 將混亂帶入社區」。何啟明喺facebook上載橫額相，話「這是黨對我們的肯定」，幫佢宣傳埋。佢話邊個破壞緊社會好清楚，係政府同建制派過去一直唔理民意，唔做全民退保、公屋輪候愈來愈長等，先搞到民怨一次過藉修例風波引爆。