【明報專訊】香港首富李嘉誠近排就反修例示威嘅言論，引嚟建制陣營唔少反響，無論係登廣告話「黃台之瓜，何堪再摘」；定日前出席慈山寺活動時話希望年輕人體諒大局、呼籲執政者對未來主人翁網開一面，都被批評係偏幫示威者。近日建制圈子就有製圖，鬧李嘉誠係「曱甴王」，圖上更有多句批評甚至詛咒誠哥嘅字句，全國人大代表、工聯會會長吳秋北噚日就喺facebook轉載圖片，話圖片來源係「朋友分享」。